ටයිකුවාන්ඩො

'ටයිකුවාන්ඩෝ' යනු ආත්මාරක්ෂාව පදනම් කරගත් නිරායුධ ප්‍රබල සටන් ක්‍රමයකි. කොරියානු සටන් කලාවක් වන මෙය පැවත එන්නේ එම රටේම පුරාණ යුධ සටන් ශිල්පයක් වූ 'ටේක්යොන්' නම් සටන් කලාවෙන්ය. 

'Tae' යනු 'පැනීමෙන් හෝ පියාසැරිය මඟින් පාදය මඟින් පහරදීම හෝ විනාශ කර දැමීමයි.' 'Kwon' යනු 'නිදහස් අත හෝ මුෂ්ටිය මඟින් යමක් විනාශ කරදැමීමයි.' 'Do' යනු 'එම ක්‍රියාවලිය කළහැකි මාර්ගයයි.' මෙම සටන් කලාවේ ප්‍රධාන නිර්මාතෘවරයා ලෙස සැලකෙන්නේ  'චෝයි හොන්ග් හයි' මැතිතුමායි.

 'ටයිකුවාන්ඩෝ' ප්‍රහාරක සටන් කලාවකි. වැඩිපුරම අවධානය යොමු කර ඇත්තේ 'පා පහරේ පරාසය' පිළිබඳවයි. එනමුත් මෙය හුදු පා පහරේ පරාසයම පමණක් පදනම් කරගත් සටන් කලාවක් නොවේ. උක්ත අර්ථ දැක්වීමට අනුව 'ටයිකුවාන්ඩෝ' හි 'අත් පහරේ පරාසය' ද අඩංගු වේ.

මෙම සටන් කලාව තුල  ශාරීරික හා මානසික සුභසාධනය මැනවින් අන්තර්ගත වී ඇත. ඒවා පහත පරිදි කෙටියෙන් විග්‍රහ කල හැකිය.

1. ශාරීරිකව - සටන් කලා ශිල්පියාට හොඳ සමායෝජනයක් වර්ධනය කරගත හැකිවීම, කායබලය වර්ධනය කරගැනීමට හැකිවීම, නම්‍යශීලීභාවය ඉහල නංවා ගැනීමට හැකිවීම, කන්තුකවාහිනී තත්වාරෝපණය දියුණු කරගත හැකිවීම. මේ කියන්නා වූ සියලු ශාරීරික පුහුණුවීම් තුලින් ඕනෑම අයෙකුට ශක්තිමත් ශරීරයක් ලබාගත හැකි වේ.
2. මානසිකව - ආත්ම-විශ්වාසයක් ගොඩනැංවීම, යහපත් තීරණ ගැනීම වර්ධනය කරගත හැකිවීම සහ ස්වයං පාලනය දියුණු කරගත හැකිවීම.

අනෙකුත්  සියලු සටන් කලාවන් මෙන්ම 'ටයිකුවන්ඩෝ' සටන් කලාවේද ප්‍රධාන අරමුණ සමාජයට යහපත් හා පරිපූර්ණ පුරවැසියෙකු බිහි කරවීමයි!

මේ  වීඩියෝ එකත් බලන්න!

Visit our older posts >>>> http://thetruthbehindthemartialart.blogspot.com/

****************************************************
මෙම ලිපියේ සම්පූර්ණ හිමිකම ලොව ප්‍රථම සටන් කලා ෆේස්බුක් පිටුව වන යුධ සටන් කලාව පසුපස ඇති සැබෑ යථාර්ථය. The truth behind the martial art. සතු වන අතර මෙහි උපුටාගැනීම්, පරිවර්තන, සංක්ෂිප්ත, මූලාශ, වචන වෙනස් කොට මෙම ලිපියේම අර්ථයම එන පරිදි සිදුකරන උපුටාගැනීම් හෝ වෙනත් කුමන අයුරකින් සිදුවන පළකිරීමක් ඇත්නම් අනිවාර්යයෙන්ම මෙම කොටස මේ ආකාරයෙන්ම ඇතුලත් කිරීමට වග බලාගත යුතුය!
****************************************************

හන්ග්-ගාර් (ටයිගර් ස්ටයිල් කුන්ග්-ෆු)

වසර ගණනක් ශාඔලින් ආරාමය තුල රහසිගතව පැවතුනු දේවදාර වෘක්ෂයක් වැනි කුන්ග්-ෆු සාමාන්‍යය ජනයා අතරට පැමිණියේ ව්‍යුක්තවය. ඒ අතරින් පැමිණි ප්‍රධානතම ශයිලියක් ලෙස 'හන්ග්-ගාර්' හෙවත් ටයිගර් ස්ටයිල් (ව්‍යාග්‍ර ශයිලිය) හැඳින්විය හැකිය.

දකුණු චීන රළු සටන් කලා ගනයට අයත් මෙම ශයිලියේ ඉතිහාස කතාව ඉතා රසවත්ය.

ශාඕලින් කුන්ග්-ෆු සාමාන්‍යය ජනයා අතර ව්‍යාප්ත කරවීමට ප්‍රධාන වශයෙන්ම දායක වන්නේ ශාඕලින් ආරාමයේ විසු සෙන් භික්ෂුවක් වූ 'ජී සිං' ය. උන්වහන්සේ තෝරාගත් සිසුන් පස්දෙනෙකුට පමණක් සිය ඉගැන්වීම් දෙන ලදී. එම සිසුන් පස් දෙනා වන්නේ පිළිවෙලින් හන්ග් හෙයි-ගන්, චෝයි ගව් ලී, මොක් ඩා සි, ලෝ සෑම්-න්ගන් සහ ලි යව් සෑන් ය. පසුකලෙක චීනයේ දකුණු ශාඕලින් පංච සටන් ශයිලීන්වල සුප්‍රසිද්ධ නිර්මාතෘවරයන් වන්නේ මොවුන් පස් දෙනාය.

ඒ අනුව 'හන්ග්-ගාර්' හෙවත් ව්‍යාග්‍ර ශයිලියේ නිර්මාතෘවරයා වන්නේ 'හන්ග් හෙයි-ගන්' ය. උක්ත පංච කුන්ග්-ෆු ශයිලීන් පැවතගෙන එන්නේ ඒ ඒ සටන් ශයිලීන්වල නිර්මාතෘවරුන්ගේ පරම්පරාවලිනි. ඒ අනුව ව්‍යාග්‍ර ශයිලිය උරුම පරම්පරාව 'හන්ග්' පරම්පරාව නිසා මෙම ශයිලිය 'හන්ග්-ගාර්' ලෙස හඳුන්වයි. තවද මෙම ශයිලිය 'හන්ග්-කුඑන්' ලෙසද, හඳුන්වයි. එහි තේරුම වන්නේ 'අපරිමිත මුෂ්ටිය' යන්නයි.

සැබවින්ම මෙම කුන්ග්-ෆු ශයිලිය නිර්මාණය වී ඇත්තේ ව්‍යාග්‍රයාගේ හැසිරීම්, ඉරියව් හා ඔහුගේ සටන් ශයිලය පාදක කොටගෙනයි. එම නිසා මෙම සටන් ශයිලිය තුල ශාරීරික ශක්තිය උපරිම ලෙස යොදාගනී. වෙනත් සටන් ශයිලීන් මෙන් නොව මෙම සටන් ශයිලියේ ඇඟිලි තුඩුවලින් පටන් පා ඇඟිලි තුඩු දක්වාම අධික පදම් කිරීමක් සිදු කරයි. එමෙන්ම මෙම ශයිලිය තුල මාරාන්තික නිල ශාස්ත්‍රයද නො අඩුව අන්තර්ගත වී ඇත.

ව්‍යාග්‍රයා ගොදුරකට පහර දෙන කල්හි ගොදුරට පහර දෙන ස්ථානය නොබලයි. එනම්, ව්‍යග්‍රයා ගොදුරක් පසුපස හඹා යන විට ඌ ට හසුවන ඕනෑම ස්ථානයකට දරුණු ප්‍රහාරයක් එල්ල කර එතැන් පටන් ගොදුර අඩපණ කොට මරණයට පත් කරයි. මෙම සටන් ශිල්පයේද එසේමය. සටනකදී මෙම සටන් ශයිලියේ සටන් කරුවෙකු ප්‍රතිවාදියාගේ කුමන ස්ථානයකට ප්‍රහාරක් එල්ල කරත් ප්‍රතිවාදියා එම ප්‍රහාරය වැලකුවත් ඔහුට ඉතා දරුණු හානියක් අත්කර දෙයි.

'හන්ග්-ගාර්' යනු පංච ශාඕලින් ශයිලීන් වලින් බිහිසුණුතම සටන් ක්‍රමය ලෙස හැඳින්විය හැකිය. නිවැරදිව 'හන්ග්-ගාර්' පුරුදු පුහුණු කල අයෙකුට මහා දේවදාර ගසකට සිය ඇඟිලි තුඩුවලින් පහර දී එහි කඳෙන් කොටසක් ගලවා ගත හැකිය.

Watch this video as well!

Visit our older posts >>>> http://thetruthbehindthemartialart.blogspot.com/

****************************************************
මෙම ලිපියේ සම්පූර්ණ හිමිකම ලොව ප්‍රථම සටන් කලා ෆේස්බුක් පිටුව වන යුධ සටන් කලාව පසුපස ඇති සැබෑ යථාර්ථය. The truth behind the martial art. සතු වන අතර මෙහි උපුටාගැනීම්, පරිවර්තන, සංක්ෂිප්ත, මූලාශ, වචන වෙනස් කොට මෙම ලිපියේම අර්ථයම එන පරිදි සිදුකරන උපුටාගැනීම් හෝ වෙනත් කුමන අයුරකින් සිදුවන පළකිරීමක් ඇත්නම් අනිවාර්යයෙන්ම මෙම කොටස මේ ආකාරයෙන්ම ඇතුලත් කිරීමට වග බලාගත යුතුය!
****************************************************

එම්.එම්.ඒ. (M.M.A.)

එම්.එම්.ඒ. නැතහොත් මික්ස්ඩ් මාර්ෂල් ආර්ට්ස් යනු කරාතේ, කුන්ග්-ෆු, ජු-ජිට්සු, බොක්සින්, ටයිකුවාන්ඩො හා මුඒ-තායි වැනි තවත් එක් සටන් කලාවක් නොව විවිධ සටන් කලා සම්මිශ්‍රණය වීමෙන් සෑදුනු සටන් ක්‍රීඩාවකි.

අද ලෝකයේ ජනප්‍රියතම සහ වැඩිම ලාභයක් ලබන සටන් ක්‍රීඩාව නම් ඒ එම්.එම්.ඒ. ය. එනමුත් මෙහි ඉතිහාසය එතරම් දීර්ඝ නොවේ.

මෙම ක්‍රීඩාව සඳහා 'මික්ස්ඩ් මාර්ෂල් ආර්ට්ස්' නැතහොත් එම්.එම්.ඒ. (M.M.A.) යන නාමය යෝජනා කරන ලද්දේ වර්ෂ 1995 දී 'රික් බ්ලම්' විසිනි. එනමුත් එම්.එම්.ඒ. හි පියා ලෙස සැලකෙන්නේ වෙනකවුරුන්වත් නොව ලෝක ප්‍රකට 'බ්රූස් ලීය'.

සාක්ෂි >>>> http://www.youtube.com/watch?v=u2m3U25Qj7U

ඒ කෙසේ නමුත් 'මික්ස්ඩ් මාර්ෂල් ආර්ට්ස්' යනු 'ජිට් කුන්-ඩො' නොවන බව මෙහිදී කිවයුතුය!

එම්.ඒ.ඒ. හි නිජබිම ලෙස සැලකෙන්නේ ඇමරිකාවයි. එම්.එම්.ඒ. අඩිපාරේ ගිය ඊට ප්‍රථමයෙන් තිබූ ක්‍රීඩාවන් ලෙස ප්‍රාග් ඔලිම්පික් ක්‍රීඩා ආරම්භක අවධියේ තිබූ පෑන්ක්රේෂන්, 20 වන සියවසේ වේල් ටුඩෝ සහ ජපානයේ වැඩිම ආදායමක් ලැබූ 'පෑන්ක්රේස්' ක්‍රීඩාව දැක්විය හැකිය. මේවයින් සමහරක් අදද දක්නට ලැබෙන අතර නූතන එම්.ඒ.ඒ. හි තරඟ රාමුව නිර්මාණය කිරීමට මේවායෙහි ආභාශයද ලබාගෙන ඇත!

එම්.ඒ.ඒ. යනු තදින් පහරදීමේ සටන් ක්‍රීඩාවක් වන අතර සිටගෙන හෝ භූමියේ සිට පහරදීම, පොරබැදීම වලංගු වේ.

එම්.ඒ.ඒ. ක්‍රීඩාවේ එහි ඇති රාමුව අනුව ලොව ඕනෑම සටන් කලාවක් භාවිතා කල නොහැක! උදාහරණ වශයෙන් ගතහොත් වින්ග් චුන් කුන්ග්-ෆු, ජිට් කුවාන්ඩෝ, ක්‍රාව්-මාගා හා අයිකිඩෝ වැනි සටන් කලා මෙම ක්‍රීඩාවට යොදාගත නොහැකි වන්නේ එම සටන් කලාවන්හි ඇති ක්‍රම උපායන් බොහොමයක් එම්.එම්.ඒ. ක්‍රීඩා රාමුවට අනුව නීති විරෝධී වීමයි.

එම්.එම්.ඒ. ක්‍රීඩකයෙකුට අනිවාර්යයෙන්ම සිටගෙන සටන් කිරීම සහ භූමි සටන් ක්‍රම පිළිබඳව හොඳ පුහුණුවක් තිබිය යුතුය. සාමාන්‍යයෙන් එම්.එම්.ඒ. ක්‍රීඩාවේ අඩංගු ප්‍රධාන සටන් කලා ලෙස සැලකෙන්නේ බොක්සින්, මුඒ-තායි සහ බ්‍රසීලියන් ජු-ජිට්සු යන ඒවායි.

Watch this video as well >>>  http://www.youtube.com/watch?v=PttvTpDIENY

****************************************************
මෙම ලිපියේ සම්පූර්ණ හිමිකම ලොව ප්‍රථම සටන් කලා ෆේස්බුක් පිටුව වන යුධ සටන් කලාව පසුපස ඇති සැබෑ යථාර්ථය. The truth behind the martial art. සතු වන අතර මෙහි උපුටාගැනීම්, පරිවර්තන, සංක්ෂිප්ත, මූලාශ, වචන වෙනස් කොට මෙම ලිපියේම අර්ථයම එන පරිදි සිදුකරන උපුටාගැනීම් හෝ වෙනත් කුමන අයුරකින් සිදුවන පළකිරීමක් ඇත්නම් අනිවාර්යයෙන්ම මෙම කොටස මේ ආකාරයෙන්ම ඇතුලත් කිරීමට වග බලාගත යුතුය!
****************************************************

ආයුබෝවන් ඔයාල හැමෝටම!!!

ඔන්න එහෙනම් මම යන්තම් වේලාව හොයාගත්ත ඔයාලට මම දුන්න පොරොන්දුව ඉටු කරන්න. මේක කියවන්නත් කලින් මේ පින්තූරේ දැක්කම ඔයාලගේ ඇස් ගෙඩි දෙක උඩ ගියා නේද? මුන් නිකන් බැලුම් බෝල වගේ ඔලුවෙන් හිටගෙන පාවෙනවා නේද?? ඔයාල දැන් හිතනවා ඇති එහෙනම් මේක මේ එඩිට් කොරපු පින්තූරයක් කියල. නෑ නෑ... මේක ඔරිජිනල් එකක්. මේ තමයි 'කපුවේරා' සටන් කලාවේ මහිමය.

හුගක් උදවිය මේ කපුවේරා සටන් කලාව ගැන උනන්දු වෙන්නේ ටෝනි ජා රඟන 'Protector' film එකේ ටෝනි ජා සහ ලතීෆ් ක්‍රව්ඩර් අතර පන්සලේදී පැවති සටනෙන් පස්සේ. මතකය අවදි කොරගන්න එහෙනම් මේකෙත් බලල ඊට පස්සේ ආයේ කියවන්න ගන්නකො....

Link to the video : http://www.youtube.com/watch?v=WK53_rSOjEw

මේක බලපු හුගක් උදවිය කිව්වේ ලතීෆ් ගහගන්නේ හිප් හොප් ඩාන්සින් වලින් කියල. ලතීෆ් එකේ ජාගෙන් කෑවට මිනිහ ජාටත් වඩා වැඩර් කියල තවත් උදවිය කිව්වා. හුගක් අය දණිස්ස උස්සල, වැලමිටෙන් ගහල ටෝනි ජාව කොපි කරත් ලතීෆ් කොපි කරන්නවත් කාටවත් බැරි උනා. කොහොම නමුත් පස්සේ කස්ටිය දැනගත්ත ලතීෆ් ගහගන්නේ හිප් හොප් ඩාන්සින් වල උත්පත්තියට පවා හේතු වන කපුවේරා සටන් කලාවෙන් බව. අද ඔය හුගක් දෙනා 'බී බෝයි' කියල හිප් හොප් කියල බල්ටි දෙක තුනක් ගැහුවට එයාල උනත් දන්නේ නෑ හිප් හොප් ඩාන්සින්වල ඇරබුම කොතනද කියල. ඔන්න එහෙනම් දැන් රියල් හිප් හොප් ඩාන්ස් එකකුත් බලන්නකෝ.

Link to the video :http://www.youtube.com/watch?v=37pwbUp8t1I

නමුත් ඔයාලට කියන්න ඕනේ මේ 'බී බෝයි හිප් හොප් ඩාන්සින්' කියන්නේ සටන් කලාවක් නොවන බව. කිසිදු ලෙසවත් එය සටන් කලාවක අභිලාශ ඉටු කරගන්න භාවිතා කරන්න බෑ. නමුත් කපුවේරා වලින්  'බී බෝයි හිප් හොප් ඩාන්සින්'  බිහි වෙන්නේ හරියට නිකන් ඔකිනාවා කරාතේ වලින් ස්පෝර්ට් කරාටේ වෙන් උනා වගේ තමයි. මීට අමතරව සම්බා, සුම්බා, රම්බා වගේ නර්තන කලාවන් බිහි වෙන්නෙත් 'කපුවේරා' සටන් කලාව ආශ්‍රයෙන්.

Link to the videos : http://www.youtube.com/watch?v=DUT5rEU6pqM
                                   http://www.youtube.com/watch?v=hekOeiA29qg&feature=related
                                   http://www.youtube.com/watch?v=1G1AkJ-97ng
                                   http://www.youtube.com/watch?v=slfr9uwzLOM

දැන් ඔයාලට මේ වීඩියෝස් බලනකොට තේරෙන්න ඇති මේ නර්තන කලාවන් අනුරාගය අවුස්සන සුළු බව. ඒ අනුව බලන කල්හි කපුවේරා සහ එයින් නිර්මාණය වුණු නර්තන කලාවන් නිකන් අහසට පොලොව වගේ. මොකද මං එහෙම කියන්නේ 'කපුවේරා' සටන් ශිල්පීන් එම සටන් ශිල්පය හදාරන්නේ ඉතාමත් පූජනීයව. ඔවුන් ඔවුන්ගේ දස්කම් ප්‍රදර්ශනය කිරීම සදහා 'රොඩා' කියල එකක් කරනවා.

Link to the video : http://www.youtube.com/watch?v=jkf0M2GQANU&feature=related

කපුවේරා ශිල්පීන් මෙම රොඩාවට ඒ සදහාම සුවිශේෂිත වූ සංගීතයක් යොදාගන්නවා. අද හුගක් නයිට්ස් ක්ලබ්ස්වල ඒ සින්දු රීමික්ස් කොරල හිටන් මොකක්ද කැඩිච්ච කඩියෝ වගේ නැටුවට සැබෑ කපුවේරා ශිල්පීන් ඔවුන්ගේ රොඩා නැටුමට අවශ්‍යය ජවය ලබා ගන්නේ එම සංගීතයෙන්.

Link to the video : http://www.youtube.com/watch?v=fsPNbvHIql0

ඔන්න ඔය වීඩියෝ එක ඇවිල්ල බොහොම ඉස්සර කා අතරත් ජනප්‍රිය වුණු කපුවේරා චිත්‍රපටයක් වන 'ඔන්ලි ද ස්ට්‍රොන්ග්' එකෙන් තමා. අදටත් ඔයාල ඒක බැලුවොත් ඔයාලට කපුවේරා ගැන මාර කික් එකක් එයි. ඔයාල හිතන්න පුළුවන් ඒ කැමරා ට්‍රික්ස් කියල. නමුත් මේ වීඩියෝ එකත් බැලුවහම ඔයාලට තේරෙයි සැබෑ කපුවේරා සටන් ශිල්පීන් ඉදිරියේ කැමරා පවා හොල්මන් වෙන බව.

Link to the video : http://www.youtube.com/watch?v=Z8xxgFpK-NM

 කවුරුහරි මගෙන් ඇහුවොත් ලෝකයේ ලස්සනම මාර්ෂල් ආර්ට් එක මොකක්ද කියල මම දෙන උත්තරේ තමයි ඒ 'කපුවේරා'. නමුත් කපුවේරා කොච්චර ලස්සන උනත් ඒ ලස්සන පිටිපස්සේ විශාල මාරාන්තික බවක් ගැබ්වී තිබෙනවා.

Link to the video : http://www.youtube.com/watch?v=Gw4EoWi5QSM

මේ වීඩියෝ එක අනුව ලොව HIGHEST RATIO KICK එක, එහෙමත් නැත්නම් විශාලතම අනුපාතික පා පහර ඇති සටන් කලාවේ ගෞරවය හිමි වන්නේ කපුවේරා වලට. මේකේ ඉන්න කපුවේරා ෆයිටර් ඇවිල්ල 'ලතීෆ් ක්‍රව්ඩර්' ට අවුරුදු විසි පහකටත් වඩා තම සටන් කලාවේ අත්දැකීම් තියෙනවා. දැනට ප්‍රසිද්ධියට පත්වූවන්ගෙන් ලොව දක්ෂතම කපුවේරා ෆයිටර් තමයි මෙයා.

'කපුවේරා' සටන් කලාවේ ප්‍රධාන වශයෙන් කික්ස් ගැන කතා කරත් එම සටන් කලාවේ අත් පහරවල්, සහ ආයුධ සටන් ගැන කතා වෙනවා. කපුවේරා සටන් කලාවේ පාද හුවමාරු ක්‍රමය හදුන්වන්නේ 'ජින්ගා' නමින්. එය කපුවේරා වලටම පමණක් ආවේනික වන අතර එය ලොව අනෙකුත් කිසිදු සටන් කලාවක දක්නට ලැබෙන්නේ නෑ.

දැන් අපි පොඩ්ඩක් බලමු කපුවේරා වල ඉතිහාසය ගැන.

ඉංගිරිසියෙන් 'Capoeira' කියල තමයි ලියන්නේ. නමුත් ඕක අපි සිංහලෙන් කියන කොට ප්‍රසිද්ධ වෙලා තියෙන්නේ 'කපුවේරා' කියල. තවත් සමහරු ඕකට 'කපේරා' කියලත් කියනවා. ඒත් ඉතින් බලාන ගියාම ඕකට ඉතින් ඇත්තටම කියන්න ඕනේ 'කැ‍පොයිරා' කියල තමයි ඉතින්. ඒකේ තේරුම ඇවිල්ල DANCE OF WAR ඒ කියන්නේ 'යුධ නර්තනය' කියන එක. මේ ආර්ට් එකේ නිජබිම ඇවිල්ල බ්‍රසීලය. මේ සටන් කලාව නර්තනය සහ සංගීතය සමග බැඳිලයි පවතින්නේ. මේ සටන් කලාව පැවත එන්නේ අප්‍රිකානු වහලුන්ගෙන් සහ බ්‍රසීලියානු වැසියන්ගේ ආභාෂයෙන්. ඉතිහාසයේ සාක්ෂි අනුව මෙම සටන් කලාවේ ආරම්භය දහසය වන සියවස දක්වාම දිවයනවා. මෙම සටන් කලාවේ ප්‍රධාන ලක්ෂණ තමයි වෙඩි වගේ විවිධ පිනුම්, පැනුම්, කරණම් වැනි  සංකීර්ණ චලන අඩංගු වීම. ඒ වගේම තමයි මේකේ ප්‍රධාන මුලධර්ම තමයි ජවය, වේගය සහ පහර දීම, පහර වැලකීම සහ පාද හුවමාරුව සඳහා  උත්තෝලනය යෙදීමෙන් ලැබෙන බලය ප්‍රයෝජනය ගැනීම. (මේ උත්තෝලනය ප්‍රධාන වශයෙන්ම ලබාගන්නේ 'ජින්ගා' වලිනි.)

මෙම සටන් කලාවේ එල්ලය ඇවිත් පා පහරවල්, මුෂ්ටි පහරවල්, කනේ පහරවල්, හිසෙන් පහරදීම්, කරණම් ගැසීම්, වෙට්ටු දැමීම්, දණහිස්/වැලමිටි පහරවල් හා  බිම වැට්ටීම් යන එව්වා තමයි.

කැපොයිරාවල නිර්මාතෘවරයා විදියට පිළිගන්නේ 'මෙස්ට්‍රේ බිම්බා' කියල පුද්ගලයෙක්. 'මෙස්ට්‍රේ' කියන්නේ බ්‍රසීලියානු භාෂාවෙන් 'මාස්ටර්', 'ගුරුතුමා' කියන එකට. එයා උපත ලබන්නේ 1899. නමුත් ඊට කලින් 1825 දී 'Johann Moritz Rugendas' චිත්‍ර ශිල්පියා ඇඳපු චිත්‍රයක 'කැපොයිරා' සටනක් නිරූපනය කරලා තියෙනවා.

පසුකාලීනව බිහිවුණු ප්‍රසිද්ධ දක්ෂ කැපොයිරා ෆයිට්‍ර්සලා තමයි

 Vicente Ferreira Pastinha

João Grande
João Pereira dos Santos (Mestre João Pequeno)
Anderson Silva
Lateef Crowder
Eddy Gordo 

වගේ අය. ඔයාල හොදට බැලුවොත් පේනවා දැන් UFC MMA RING එක හොල්ලන් ඉන්න Anderson Silva ත් ඇවිත් නොම්බර එකේ කැපොයිරා ෆයිට්ර් කෙනෙක් කියල. මේක දැන් දැනගත්ත MMA උඩදාගෙන, HIGH KICKS ARE NOT EFFECTIVE IN A REAL FIGHT SITUATION කියල කියාගන්න පොල් අඩි ෆයිටර්ස්ලට තරු විසික් වෙන්න ඇති නේද? මට එහෙම අයට කියන්න තියෙන්න මෙච්චරයි. මෙහෙම කියලත් මං කියන දේ නොපිළිගන්න උදවිය ඉන්නවනම් කරුණාකරලා මාත් එක්ක වාද කොර කොර, අන්තිමේට ඒ වාදයෙන් පැරදිලා මට චැලේන්ජ් කොරන් නැතුව ගොහින් රියල් කපුවේරාකාරයෙක් එක්ක හැප්පිලා බලහන්කො මොකද වෙන්නේ කියල. තමන්ට දෙයක් බැරි උන පලියට ඒක හරි නෑ කියන එක කොයිතරම් කැත වැඩක්ද? මං ඒ කාලේ කුන්ග් ෆු ක්ලාස් යන කාලේ කකුල් දෙකෙන්ම උඩ පැනලා ගුවනේ ඩබල් කික් එකක් ගහන්න පුළුවන් උනේ මට විතරයි මුළු ක්ලාස් එකෙන්ම. අදටත් මං ඒක ගහනවා. නමුත් එදා ඒ කික් එක ගහපු වෙලාවේ මාත් එක්ක හිටපු මගේ සමගාමී සීනියර් උන්නැහේ කිව්වා 'ඔව්වා ඇත්ත ෆයිට් එකේදී දාන්න බෑ බං' කියල. ඕක  ඉතින් මගේ ඔලුවේ දිගටම වැඩ කොරා. අරුත් අරෙහෙම කීවට මගෙන් ටෙක්නික් එක අහගත්තා. නමුත් ඒක එදා ඌට කොරන්න බැරි උනා. මූ පස්සේ ගෙදර ගොහින් ඒක දිගට හරහට ප්‍රැක්ටිස් කොරල මෙන්න යකෝ ග්‍රේඩින්ග් එක දවසේ ඒක මටත් වඩා හොදට ගැහුවා. මම ඉතින් ගොනා වගේ උගේ කීම අහල ඒ කික් එක මගේ ඔලුවෙන් අයින් කොරපු නිසාදෝ කරුමෙටම මට එදා ඒ කික් එක ගහගන්න බැරි උනා. අනිත් උන්ටත් පුදුමයි ඒක දැකල. නමුත් එදා මං හොද පාඩමක් ඉගෙන ගත්ත. ඒ මොකක්ද දන්නවද? මේ සටන් කලාව ඇතුලෙත් කුහක හැත්ත ඉන්නවා කියල. එක බත්පත බෙදාගෙන කාලා ප්‍රැක්ටිස් කොරන යාලුව උනත් ඌට බැරි දෙයක් කරොත් ඒක අගය කොරන්නේ නෑ. වැඩක් නෑ, හරි නෑ කියල අරව මෙව්වා කියනවා. නමුත් ඌට එව්වා පුළුවන් දාට එව්වා තම සුපිරිම. ලොවෙත් නෑ නෙහ්??? ඕන් ඔන්න එදායින් පස්සේ මං මාස්ටර් දෙයක් (සටන් කලාව හා සම්බන්ධ) එපා කිව්වත් ඒ දේ මට ෆීල් වෙනවනම් මං ඒක ප්‍රැක්ටිස් කරන්න, යූස් කරන්න පටන් ගත්ත. දැනටත් මම එහෙමයි. ඕන කෙනෙක්ට ඕන දෙයක් DEMONSTRATE  කොරල පුළුවන් යම් ටෙක්නික් එකක අඩු පාඩු පෙන්වල දෙන්න. හයි කික්ස් වල අඩු පාඩු උනත් එහෙම DEMONSTRATE කොරල පෙන්වන්න පුළුවන්. නමුත් ඇත්ත සටනේදී ඔය කතාව වෙනස් වෙනවා. වරක් මිරාන් සර් මට කිව්වා 'මාර්ෂල් ආර්ට් එකේ ඇඩ්වාන්ස් කියල දෙයක් නෑ, තමන් දන්න ටික හරියට ප්‍රැක්ටිස් කරන්න' කියල. මටත් ඔයාලට කියන්න තියෙන්නේ එච්චරයි. කවුරු මොනා කිව්වත්, අඩුම තරමේ තමාගේ මාස්ටර් උනත් මොනවා කිව්වත් යම් මාර්ෂල් ටෙක්නික් එකක් ඔයාට ෆීල් වෙනවනම් ඒ දේ හරි. ඒක නොනවත්වා දිගින් දිගටම පුහුණු වෙන්න.

ඔන්න බලන්නකෝ MMA කාරයෙක් Capoeira කාරයෙක්ගෙන් නස්පුක් වෙන්න කන කෑම.

Link to the video : http://www.youtube.com/watch?v=r214JIcUAa4

හොඳි ඕන් නෑ නෙහ්??? :D

මොනවා උනත් අනෙක් බොහොමයක් සටන් කලාවන් වගේම Capoeira කියන්නෙත් RING SPORT එකක් නෙමෙයි කියන එක මතක තියාගන්න ඕනේ හරිය??? එවක අප්‍රිකානු ජාතිකයන් මෙම සටන් ක්‍රමය යොදා ගත්තේ තමන්ට දිගින් දිගටම ආ ගැහැටවලින් බේරීම සඳහා. බොහෝ විට Capoeira සටන්කරුවන් දෙදෙනෙක් සටන් වැදුණු අවස්ථාවලදී එම සටන් කෙළවර වුනේ එක් අයෙකුගේ හෝ දෙදෙනාගේම මරණයෙන්. බොහෝ විට ඔවුන් එම සටන් සඳහා කෙටි කඩු යුගලයක්ද භාවිතා කර තිබෙනවා. මෙන්න මේ ONLY THE STRONG movie එවන් දරුණු සටනක් නැවත ප්‍රතිනිර්මාණය කරලා තියෙනවා.

Link to the video :  http://www.youtube.com/watch?v=LanF4K83IW0

හොඳයි. දැන් මං මගේ මේ ලිපිය අවසාන කරන්න යන්නේ. ඊට කලින් දෙයක් කියන්න තියෙනවා. මගෙන් හුඟ දෙනෙක් අහනවා ලංකාවේ Capoeira කරන කෙනෙක් ඉන්නවනම් එයා ගැන සඳහනක් කරන්න කියල. ඇත්තවශයෙන්ම කියනවනම් ලංකාවේ Capoeira කරන කෙනෙක් ඉන්නවා. එයාගේ නම මට මතක නෑ. මම එයාව මුල්ම වතාවට දැක්කේ 'දෙරණ' රූපවාහිනී නාලිකාවෙන්. ඊට හුඟ කලකට පස්සේ පිට පිටම ITN එකේ විකාශනය වන 'වෙනස' වැඩසටහනෙනුත් දැක්ක. එයාලගෙන් අහල බැලුවොත් ඔයාලට එයා ගැන වැඩි විස්තරයක් දැනගන්න ලැබෙයි. නමුත් මට වගකියන්න බෑ එයා ගාව ඇත්ත Capoeira තියෙනවද? නැද්ද? කියල. ඒක ඉතින් ගිහිල්ලම බලන්න. යන්න කලින් ඒ සම්බන්ධ යම් විස්තරයක් වෙතොත් අපට දන්වන්න!

ඔන්න ඉතින් කපුවේරා සටන් කලාව සම්බන්ධයෙන් මුළු ලෝකයෙන්ම පළමු වතාවට හා දැනට එකම පලවන විස්තරාත්මක ලිපිය තමයි මං මේ ලියල ඉවරවෙන්නේ.. මේක මේ කියවනවා වගේ නෙමෙයි. ලියන එක පට්ට අමාරුයි. දින ගාණක් ගියා මේක ලියන්න මට. ඉතින් මේ තරම් දෙයක් කරපු මට මේකට අඩුම තරමේ ලයික්ස් පනහක්වත් වැටෙනවනම් මං ගොඩාක් සතුටු වෙනවා.

ජය ශ්‍රී!!!!

~Shorin-Ryu

*මෙම ලිපියේ සම්පූර්ණ කතෘ අයිතිය Shorin-Ryu (http://www.facebook.com/shorin.ryu2?ref=ts) වන මා සතු වන අතර මෙහි සදහන් සියලු කරුණුවල වගකීම 100% ක්ම මා සතුය. මෙම ලිපිය සම්බන්ධයෙන් අපගේ කණ්ඩායමේ අන් කිසිදු ඇඩ්මින්වරයෙකු වගකියනු නොලබයි. තවද, FB SHARING හැර වෙනත් කිසිදු අයුරකින් අනවසරයෙන් මෙම ලිපිය පලකිරීම සපුරා තහනම්ය!!!!

මේ වගේ POSTS ඔයාලට ගේන්නේ 'යුධ සටන් කලාව පසුපස ඇති සැබෑ යථාර්ථය. The truth behind the martial art.' වන අප පමණයි!

So,

PRESS 'L' FOR THE NEXT POST!!!

SHARE AND LIKE US!!!! 
╔═════════════════╗
http://www.facebook.com/thetruthbehindthemartialart
╚═════════════════╝

VISIT OUR BLOG SITE AND YOUTUBE CHANNEL AS WELL!
http://thetruthbehindthemartialart.blogspot.com/
http://www.youtube.com/user/TheTruemartialart?feature=mhee

කික් බොක්සිං

එල්ලය : තදින් පහරදීම (Full-contact)

සම්භවය ඇතිවූ රට : ජපානය

නිර්මාතෘවරු : ඔසාමු නොගුචි
තත්සුඕ යමාඩා

පිතෘත්වය : බොක්සිං මෙන්ම, මුයේ තායි, කියෝකුෂින් කරාතේ සහ බුරුම
බොක්සිං ඇතුළු විවිධ ආසියානු සටන් කලාවන් වෙතින්
ව්‍යුත්පන්න කරගත් පහරදීම්.

පසිඳු නියුක්තකයන් (Legend) : ටොෂියෝ ෆුජිවාරා (ජපානය), ෆ්‍රෙඩ්
රොයර්ස් (නවසී), රොබ් කාමන් (නවසී), පීට්
කනිංහැම් (කැන), පිටර් එයර්ට්ස් (නවසී),
අර්නස්ටෝ හූස්ට් (නවසී), රෙමී බොන්ජස්කි
(නවසී), රාමොන් ඩෙකර්ස් (නවසී)



මෙය විවිධ යුධ කලා ආකාරයේ පා පහරවල් හා බටහිර බොක්සිං ආකාරයේ අත් පහරවල් යොදා ගෙන සම්මත බොක්සිං ක්‍රීඩාවට සමාන ආකාරයකින් ප්‍රතිවාදීන් පරදන ක්‍රීඩාවකි. සම්මත ක්‍රීඩාවක් වන මෙය එක් ක්‍රීඩකයකු හෝ බිම පතිත වූ විට තව දුරටත් ක්‍රීඩා කිරීමට ඉඩ ලබා නො‍දේ.
කික් බොක්සිං සාමාන්‍යයෙන් සාමාන්‍ය ‍ශාරීරික යෝග්‍යතාව සඳහා හෝ පූර්ණ ‍ස්පර්ශ ක්‍රීඩාවක් [තදින් පහරදීම (Full-contact)] ලෙස පුරුදු වේ. පූර්ණ ස්පර්ශ ක්‍රීඩාවක් ලෙස භාවිතයේ දී පිරිමි තරඟකරුවන් කික් බොක්සිං කලිසමකින් මුව ආවරණයක් අත් වෙළුම් 10oz බොක්සිං අත් වැසුම්, ඉකිලි ආවරණයක් , පපු ආවරණ, කික් සපත්තු ඇතුළත් ආරක්ෂාකාරී අංගවලින් ද අතිරේක ආරක්ෂාකාරී හෙල්මටයකින් ද (සාමාන්‍යයෙන් 18ට අඩු ක්‍රීඩකයන් සඳහා) සැරසී සිටී. ගැහැණු තරඟකරුවන්, පිරිමි තරඟකරුවන්ගේ ඇඟලුම් හා ආරක්ෂාකාරී අංගවලට අමතරව ආරක්ෂාකාරී උඩු කය ආවරණයකින් යුක්ත වේ.
කික් බොක්සිං සාමාන්‍යයෙන් තායි බොක්සිං ලෙස හඳුන්වන මුයේ තායි මඟින් ව්‍යාකූල වේ. ක්‍රීඩා දෙක සමාන වන නමුත් තායි බොක්සිං හිදී බඳ පටියට පහළින් වූ පා පහරවල්වලට ඉඩ ලබා දෙන අතර දණහිස හා වැලමිටිවලින් කෙරෙන පහර දීමවලට ද ඉඩ ලබා දේ.
කික් බොක්සිං ලෙස හඳුන්වන බොහෝ ක්‍රම ශිල්ප ඇත. ඒවාට ජපාන, ඇමරිකානු, ඉන්දියානු, බුරුම කික් බොක්සිං ඇතුළත් වන අතර ප්‍රංශ සැවේට් ද ඇතුළත් වේ. වර්තමානයේ දී කික් බොක්සිං යන වදන විකෘති වී ඇති අතර බොහෝ විට ජපාන හෝ ඇමරිකානු ආකාර සමඟ යෙදේ. අනෙකුත් ආකාර බොහෝමයක් ඒවා කික් බොක්සිං ලෙස නොසලකන නමුත් මහජනයා සියලු මාර්ෂල් ආර්ට්ස් හැඳින්වීමට ‍එම වදන යොදා ගනු ලැබේ. කික් බොක්සිං යන වදන ජපාන ජාතික බොක්සිං වර්ධනය කරන්නෙකු වූ ඔසාමු ‍නොගුජි විසින් ඔහු විසින් නිර්මාණය කරන ලද මුයේ තායි හා කරාතේවල වෙනස් ආකාරයක් හැඳින්වීමට 1950 දී නිර්මාණය කරන ලදී. එම වදන පසුව ඇමරිකානු ආකාරවල දී යොදා ගනු ලැබීය. එම ආකාර දෙකේ පුහුණුවන්නන් විසින් භාවිතා කරන අතර එය වෙන වෙනම එම ආකාරවලට යෙදේ.

මේ කතාව ඇත්තනම්, මේ වීඩියෝ එකත් බලලා මේක ඔයාලගේ යාලුවන්ටත් කියන්න. ඔයාලා දන්න දේත් අපිට කියන්න.

Link to the video : http://www.youtube.com/watch?v=iTYjTvwOC6M

ඔයාලා ගාවත් වටිනා අදහස් තියෙනවනම් අපිට එවන්න!
E-mail : truemartialart@gmail.com

COMMENT, SHARE AND LIKE US!!!!
╔═════════════════╗
http://www.facebook.com/thetruthbehindthemartialart
╚═════════════════╝

Visit our other sites as well....
Our blog site : http://thetruthbehindthemartialart.blogspot.com/ 
Our YouTube channel : http://www.youtube.com/user/TheTruemartialart?feature=mhee 

HAVE A NICE DAY!!!!!!!
~S.R.

මේ නින්ජාවරුන්ගේ ලෝකයයි.


නින්ජිට්සු


නිෂ්ශබ්දතාවයෙන් යුතු පරිසරයකට යන්න. විශාල ශබ්දයන් අතහරින්න. ඉතා සියුම් ශබ්ද වලට සවන් දෙන්න. කුඩා පළඟැටියන්, කුඩා කෘමීන් දහස් ගණනකගේ හඬ ඔබට ඇසෙන්නට පටන් ගනීවි. ශබ්ද දහසක හඬක් ඔබේ මනස උත්පාදනය කරාවි. ඉතා සියුම් ශබ්දයක් ඈතින් එන අයකුගේ කුඩා ශබ්දයක්, ඈතින් එන අයෙකුගේ කුඩා ශබ්දයක්, පිය සටහනක් ඔබේ මනසින් අවබෝධ කරාවි. දුර ප්‍රමාණය, පුද්ගලයාගේ ස්වභාවය, එය ඔබට උගන්වාවි.

මේ නින්ජාවරුන්ගේ ලෝකයයි.........

නිශ්චල ප්‍රදේශයක අර්ධ පද්මාසනයෙන් වාඩිවෙන්න. මනස නිශ්චල කරගන්න. මුළු ශරීරයෙන්ම සුළඟේ වෙනස් වීමට සංවේදී වන්න. එතාම සුළු සුළඟේ වෙනස් වීමක් පවා ඔබ දකින්නට පටන් ගනීවි. ඉතාම කුඩා සුළං අංශුවකටත් සංවේදී වන ඔබේ මනස ඔබව නින්ජාවරුන්ගේ ලෝකයට කැඳවාගන යාවි. ඉතාම සුළු වායු අංශුවක් සමඟ ඔබේ දිවිය පුහුණු කරන්නේ නම් ඈතින් සුලං කපාගෙන එන පිහියක්, ඊයක් අල්වා ගැනීම, ඉවත්වීම සිදුවේවි.

මේ නින්ජාවරුන්ගේ ලෝකයයි.........


ජපානයේ සුප්‍රසිද්ධ සටන් කලාවක් ලෙස ගැනෙන නින්ජිට්සු කලාවේ ආරම්භය වනුයේ ජපානයට පැමිණි චීන අනාථයින් ය. තැන් තැන් වල කුලීකරුවන් සේ ජපාන ප්‍රභූ පන්තියට යටත්ව විවිධ වාසස්ථාන පිහිටුවා ගත් ඔවුන්ට ජීවත් වීම උදෙසා විවිධ ක්‍රියාකාරකම් කිරීමට සිදුවිණි. චීන සටන් කලාවේ (වූෂු නැතහොත් කුංග්ෆූ - Wushu or Kungfu) හි දක්ෂයන් ද මෙම අනාථයින් අතර විය. ජපානයේ විවිධ පෙදෙස් වල චීන අනාථයින් සිටින ස්ථාන බිහි විය.



සුප්‍රසිද්ධ ජපන් සමුරායිවරුන් ජපාන සමාජය තුළ රණකාමීත්වයේ
ආධිපත්‍යය දැරීය. ඉහළට දැමූ පිදුරු මිටියක් බිමට වැටුනේ කැබලි කිහිපයකට වෙන් වෙමිනි. තමන් විසින්ම නිර්මාණය කර බල පිහිට වූ සමුරායි කඩුව (Samurai Sword) මතට උඩ සිට අතහරිනු ලැබූ සිල්ක් රෙද්දක් කැපී වෙන් වීම ඇවැසි විය. මෙවන් කඩුවක් අතදැරූ සමුරායිවරුන් සමඟ සටන් කිරීම ඉතාම අනතුරුදායක ක්‍රියාවක් විය. සමුරායිවරුන්ගේ කඩුව එළියට ඇදුනේ ලේ නොගෑ‍වී ආපසු නොදැමෙන අයුරිනි.





ආදී ජපන් ප්‍රභූවරුන්ට මෙම සමුරායිවරු සමඟ ඇති වූ ගැටුම් වලදී සටන් කිරීමට චීන අනාථයින් කුලියට ගැනීමට අවශ්‍ය විය. මෙම කුලියට ගැනීමට සිටි චීන අනාථයා චීන සටන් කලාවේ දක්ෂයෙකු පමණක් නොව අනුන්ගේ දේශයක් සැඟවී සටන් කරන්නෙකු බවට පත් විය. එසේම රණකාමී පරිසරයක් විසූ ඔවුනට සතුරෝ බොහෝ වූහ. සැඟවී සිට පහර දීම-ප්‍රධාන සටන් ක්‍රියාමාර්ගය විය. සටන් කලාවේ (Martial Art) ගරිල්ලා සටන් කලාව (Guerrilla Martial Art) ලෙස නින්ජිට්සු හැඳින්විය හැකි ය.

හඳුනාගත නොහැකි-ඇස් පමණක් දෘෂ්‍යමාන වන ඇඳුම, ශරීරය පුරා රඳවා ඇති තරු, කිනිසි, කාසි, විෂ පෙවූ පිහි, දුම් බෝම්බ, ලණු කැරළි, ගස් නැඟීමේ උපකරණ, තාප්ප බිඳ දැමීමේ උපකරණ,ගංගා තරණය කිරීමේ උපකරණ, ආහාර ආදී බොහෝ දෙයින් සමන්විත විය.

අඳුර වැටීමත් සමඟ ක්‍රියාත්මක වීම, ශබ්දය වෙනුවට නිහඬබව පාවිච්චි කරීම, සමුරායිවරුන්ගේ මුහුණට මුහුණ ලා සටන් කිරීම වෙනුවට සැඟවී-ප්‍රතිවාදියා නොදැන විනාශ කිරීම නින්ජාවරුන්ගේ ප්‍රධාන මාර්ගය විය.



නින්ජාවරයෙකු බවට පත් කරනු ලබන අයෙකු කුඩා කල සිටම එයට පුහුණු කරනු ලැබේ.



1. ස්වභාවික පරිසරයේ හැඩතල අධ්‍යනය කිරීම සහ එහි හැඩතල වලට අනුව ශරීරයේ ඉරියව් සැකසීම මත නොපෙනී යාම.

2. කුඩා දරුවා ඉපදී ටික කලකට පසු ගසක අත්තක එල්වා තබනු ලැබේ. දරුවාට තම අත් වලින් පැය ගණනක් නිහඬව ගසක එල්ලී සිටීමට උගන්වනු ලැබේ. ගස් වල අතු අතර සෙමින් ගමන් කිරීමට ද ගසින් ගසට නිශ්චලව මාරුවීමට ද, ගසෙහි දෙපයින් එල්ලී ආයුධ පාවිච්චි කිරීමට ද, ගසෙහි යට සිට ඉහළට උඩු අතට ගස් නැගීමට ද උගන්වනු ලැබේ.

3. පිදුරු වලින් සෑදු තොප්පියක් පපුවට තබාගන සෙමින් දිවයාමට (Silent Running) පුහුණු කරවනු ලැබේ. ඇඟිලි තුඩු වලිනි දිව යන මෙම දිවීමෙදී ඉදිරියෙන් එන සුළං පහරින් පිදුරු තොප්පිය බිම නොවැටිය යුතු වෙයි. සටනකින් පසු මෙසේ නිහඬව සැතපුම් 20 ක් පමණ දිවයාම නින්ජාවරුන්ගේ පුහුණුවකි.

4. මනස ඉතා කුඩා දේවල් සමඟ පුහුණු කිරීම - වායු අංශු - කුඩා ශබ්ද සමඟ පුහුණු කිරීම ඉතාම කුඩා කල සිට හුරු කරවනු ලබේ. මෙය සාමාන්‍ය මිනිසෙකු නොලබන අධි සංවේදීතාවයකි.

5. ස්වසන අභ්‍යාස (Qing Qigong) මගින් වඩා ඉහළ පැනීමේ හැකියාව - තාප්ප මතට, වහලවල් මතට පැනීමේ හැකියාව කුඩා කල සිට පුහුණු කරවනු ලැබේ. මේ සදහා ඌරු ලේ සහ විෂ නැසූ ඊයම් පතුරු භාවිතා කරනු ලබන අතර අති දුෂ්කර ව්‍යායාමයකි.

6. නින්ජාවරුන්ගේ කඩුව - චීන චීන කඩුවට වඩා වෙනස්ව හසුරුවනු ලැබේ. විවිධ ආයුධ හැසිරවීම - අති මහත් ප්‍රවේගයකින් කාසි දමා ගැසීම - සුළං පිඹීම මගින් විෂ කැවූ පිහි සිය ගණනක් ප්‍රවේශ කිරීම - දුම් බෝම්බයත් සමග ආයුධ හැසිරවීම, නොපෙනී යාම ඒවා අතර වෙයි.

7. පොළොව මත විවිධ ආකාරයෙන් ගමන් කිරීම් - කරණම් ගැසීම් - (මකුළුවාගේ ගමන, වඳුරාගේ ගමන, මාළුවාගේ ගමන) හුරු කරවනු ලබයි. විවිධ රේඛාවන් මත දෑත් ස්පර්ශ නොවන සේ ඉතා කුඩා - ලිහිල් දේවල් මතින් කරණම් ගැසීමද හුරු කරවනු ලැබේ.

8. දරා ගැනීමේ හැකියාව - ස්වසනය රහිතව බොහෝ වෙලාවක් සිටීම - පොළොව යට කැපූ වලවල් තුළ සිටීම - කුඩා කල සිටම ජලයෙහි මාළුවෙකුගේ සේ සජීවීව ශාරීරික පුහුණුව ලබා දීම සිදු කරනු ලබයි.





මෙසේ බොහෝ දුෂ්කර ක්‍රියාවලියක් වන නින්ජාවරුන් පිළිබඳ විවිධ ජනප්‍රවාද බිහි වී තිබේ. එමෙන්ම නූතනයේ චිත්‍රපට කර්මාන්තය තුළ නින්ජාවරයා අපරාධ කරුවන්ගේ ගණයට ඇතුළත්ව තිබේ.

ජපානයේ තිබූ තාඕ දහම (Daoist Doctrine), ෂින්ටෝ නැතහොත් විවිධ ආගම් මෙම නින්ජිට්සු කලාවට බලපාන ලදී. අධ්‍යාත්මික වශයෙන් විශ්වයීය ස්වරූපය තුළ (Universal Nature) තම දිවිය පුහුණු කරවීම සිදු කෙරිණි.

නින්ජාවරුන්ට තම දක්ෂතා ප්‍රදර්ශනය කිරීමට සිදුවෙයි. මෙම ප්‍රදර්ශනය කිරීම තුලින් ඔහුට නින්ජාවරුන්ගේ ඉහළම අවස්ථාවන්ට එළඹීමට හැකි වෙයි.

අද වනවිට ජපානයේ නින්ජාවරුන්ගෙන් පැවැත එන නින්ජිට්සු සටන් කලාව උගන්වනු ලබන පරම්පරා කිහිපයක් දක්නට ලැබේ.


ඔවුන්ට අදාල සමාජ ආචාර ධර්ම පිළිගැනීම්, අධ්‍යාත්මික ජීවිතය මතින් ගොඩනැගුණු මෙම උතුම් කලාව අන් සියළුම දෙයට වඩා ධනේෂ්වර සන්දර්භයක් තුළදී වන්නාසේ පාරිභෝගික භාණ්ඩයක් බවට පත්වී තිබේ.

සංස්කෘතියක් තුළ - මිනිස් ජීවිතය වූ දෙයක් වෙළඳපොලක් තුළ පාරිභෝගික භාණ්ඩයක් සේ ස්පර්ශ කිරීමේදී ඇති වන තත්වය - නින්ජිට්සු ඇඳුම්, ආයුධ, තරු, සපත්තු, ගමන් මළු තමන්ගේ ගෘහයන් සරසන දේ බවට පෙරලීමෙන් පෙනී යයි.

මේ කතාව ඇත්තනම්, මේ වීඩියෝ එකත් බලලා මේක ඔයාලගේ යාලුවන්ටත් කියන්න. ඔයාලා දන්න දේත් අපිට කියන්න.

Link to the video : http://www.youtube.com/watch?v=78xnmGWERCU&feature=player_embedded #!

ඔයාලා ගාවත් වටිනා අදහස් තියෙනවනම් අපිට එවන්න!
E-mail : truemartialart@gmail.com

COMMENT, SHARE AND LIKE US!!!!
╔═════════════════╗
http://www.facebook.com/thetruthbehindthemartialart
╚═════════════════╝

Visit our other sites as well....
Our blog site : http://thetruthbehindthemartialart.blogspot.com/ 
Our YouTube channel : http://www.youtube.com/user/TheTruemartialart?feature=mhee 

HAVE A NICE DAY!!!!!!!
~S.R.






*මෙම ලිපිය 'පාරාදීසය' සඟරාවේ 1999 පෙබරවාරි මස පළවූ ලිපියකි.

Have you heard about MUD WRESTLING????



Mud wrestling

Mud wrestling is defined as physical confrontation (fighting, wrestling, etc.) that occurs in mud or a mud pit. The popular modern interpretation specifies that participants wrestle while wearing minimal clothing and usually going barefoot, with the emphasis on presenting an entertaining spectacle as opposed to physically injuring or debilitating the opponent to the point where they are unable to continue the match.

History

The first professional mud wrestling organization was formed in Akron, Ohio in the 1930's by Michael Wittrock and Tyler Carroll. The sport was created to distract the public from the fact he was illegally killing and exporting bears. The first women's match occurred there on 7 January 1938.

Watch this video as well : http://www.youtube.com/watch?v=4ZfPb6e7NeI

COMMENT, SHARE AND LIKE US!!!!
╔═════════════════╗
http://www.facebook.com/thetruthbehindthemartialart
╚═════════════════╝

Visit our other sites as well....
Our blog site : http://thetruthbehindthemartialart.blogspot.com/
Our YouTube channel : http://www.youtube.com/user/TheTruemartialart?feature=mhee

~S.R.